Erlaxatu osin hauetan; horietatik propietate sendagarriak dituzten ur termalak isurtzen dira. Duela gutxi zaharberritutako spa naturala da, Zidakos ibaiaren ertzean bertan dauden harrizko eraikuntzez osatua. Bisitatu Arnedillo eta erromatar garaian ordurako erabiltzen zen toki hau ezagutuko duzu.
Herri-hizkeran “Arnedilloko putzuak” edo “behartsuen iturria” izenaz ezagutzen dira, ordainpeko bainuetxetik gertu daudelako. Natura bete-betean erlaxatzeko lekurik aproposenak dira.
Hiru osin ibaiaren ertzarekin lerrokatuta
Beti zabalik dagoen igerileku naturala da. Bainu bat har dezakezu 24 ordutan urteko edozein egunetan. Zidakos ibaiko ura etengabe isurtzen da osinetako batetik eta beste biak ureztatzen ditu 35 eta 40 gradu arteko tenperaturan.
Jatorria eta konposizioa
Faila batetik dator eta putzuetara iritsi aurretik urak lurraren barnealderanzko bidaia egiten du. Ibilbide horretan, osasunarentzat eta, batez ere, larruazalarentzat onuragarriak diren mineralez elikatzen da. Ura aberatsa da sodio, kloro, kaltzio, bromuro, burdina, silizio, rubidio eta magnesio-ioietan. Baina, zure odol-zirkulazioa hobetu nahi baduzu, onena bainua txandakatzea da; Cidacoseko ur hotzaren eta osinetako ur beroaren artean.
Esperientzia paregabea
Leku hori neguan bisitatzeak sentsazio paregabea sortzen du. Ez du parekorik ur beroaz gozatzeak kanpoan hotz handia egiten duenean. Osinak udan bisitatzea erabakitzen baduzu, gauean egitea gomendatzen dizugu, tenperaturak behera egin duenean. Harrituko zaitu zeruko izar-geruzak ilargi beteko gau batean, zu erlaxatzen zaren bitartean.
FAQ
- Erraz iristeko modukoa, eta aparkalekua oso metro gutxira
- 30 km-tik behera dago Calahorra, eta 60 km baino zertxobait gehiago Logroñora
- Dutxak eta gomendatutako erabilera-denborari buruzko informazio-kartelak daude
- Ez dira gomendagarriak minbizia, sukar-prozesuak, gaixotasun infekziosoak edo bihotz-hodietako edo giltzurrunetako gutxiegitasuna duten pertsonentzat
- Ingurune ezin hobea paseatzeko
- Gomendatzekoa da Arnedillo herria eta ajedrazo-kobazuloak bisitatzea
There are no comments yet.