Tuterako antzinako jauregi-etxe batean dago Cesar Muñoz Sola Arte Modernoaren Museoa. Tuterako margolari horren bildumako lanak eta bere pintura lan propioak erakusten ditu. Bidaia bat XIX. mendeko arte-joera nagusietan barna.
Helburua
Cesar Muñoz Sola Tuteran sortu zen (1921-2000) eta bere lana bertan erakustea nahi izan zuen. Desio horrek Museoa sortzea eragin zuen. Bertan gordetzen, erakusten, ikasten dira bai bere pinturak, bai bere bizitza osoan zehar arte modernoaren bilduma garrantzitsu bat osatu arte bildu zituen beste artista batzuenak, herritarren gozamenerako.
Erakusketa
Museoan XIX. mendeko Frantziako pintura bilduma anitza dago. Erretratuak, natura hilak, paisaiak eta pintura naturalistako eta erromantikoko, inpresionistako eta sinbolistako eszenak. Besteak beste, Girodet de Roucy, Carolus Duran, Goupil, Isabey eta L’Hermitte margolari ospetsuen lanak. Halaber, bilduma horretan ez dira falta, besteak beste, Jose Villegas eta Lopez Mezquitaren pintzeletatik ateratako pintura espainiarraren adibideak ere.
Horrez gain, Museoak Muñoz Solaren margoa azaltzen du. Ezaugarrien artean ditu: teknika garbia, argiaren azterketa sakona eta natura bere sentsazioen arabera interpretatzera eramaten zuen errealitatearen behaketa zehatza.
Dibulgazio-jarduerak
Museoak bisita gidatuak egiten ditu hainbat gai eta eduki ardatz hartuta, hezkuntza-maila guztietara eta bilduma ikustera joaten diren taldeen eskakizunetara egokituta. Gainera, aldi baterako erakusketak, hitzaldi-zikloak, lantegi didaktikoak, ikastaroak edo kultura-bidaiak antolatzen ditu, hemen aurki ditzakezun zabalkunde artistikoko beste hainbat jardueraren artean.
There are no comments yet.