GEOPARKEA EUSKAL KOSTALDEA

Geoparkeari buruzko argibide

Begiratokien ibilbidea

Geoparkea Debak, Mutrikuk eta Zumaiak osatzen dute, eta euskal kostaldeko eta kantauri itsasoko lehena da. Espazio fisiko, natural eta kulturalari, denbora geologikoari eta lurraren historiari buruzko laugarren dimentsioa ematen dio bisitariari. Gerturatu eta ezagutu bere bi espazio bereiziak, bai kultura- bai paisaia-ezaugarriengatik: barnealdeko eta kostaldeko bideak.

Zer da Geoparke bat?

Garapen jasangarriaren eta natura-balioak defendatzearen aldeko apustua egiten duten lurraldeak dira; ondare geologiko aberatsa dute, eta horrez gain, tokiko berezko kultura goraipatzearen aldeko apustua egiten dute. Geoparkea Euskal kostaldea sortu zen belaunaldi berrientzat ondare honek iraun dezan.

Flyscharen ibilbidea

Kostaldetik egiten den ibilbidea da; flysch izeneko harkaitz-geruzen eraketa ikusgarria erakusten duten 13 kilometroko itsaslabarrak. Geruza horiek duela milioika urte jalki ziren itsas arroan, eta Iberiar penintsulako eta Europako plaken talkarekin geruzak hautsi eta argitara atera ziren. Itsaslabarretan zehar ibil zaitezke, edo itsasontziz txango bat egin dezakezu horiek ezagutzeko.

Euskal kostaldeko Flyscharen ibilbidea munduko garrantzitsuenetako bat da. Bertan haitzak liburu baten orriak bezala ijeztuta daude, irakurtzen dakienarentzat. Izan ere, Zumaian geruza ilun bat ikus daiteke, dinosauroak desagerrarazi zituen meteoritoaren lekuko.

Karsten ibilbidea

Geoparkearen barruan, Gipuzkoa osoko barrunbe gehien biltzen dituen Karsta dago. Hori, inguru hau duela milioika urte bustitzen zuen itsaso tropikalak eragindako kareharriaren higaduraren ondorio da. Haitzulo horien guztien artean arreta berezia merezi du Debako Ekaingoak, gure arbasoen babeslekua Paleolito garaian; bertan, labar-pinturak daude. 2008an Gizadiaren Ondare izendatu zuten; hura bisitatzerik ez badago ere, Ekainberri errepika dago (Zestoatik sartzen da).

Begiratokien ibilbidea

Gaur egun, natura behatzeko 15 begiratoki zeharkatzen dituen ibilbide autogidatu hau gehitu diote beren eskaintzari. 55 km egun batean edo bitan egin ahal izateko, inguruko tokirik interesgarrienak ezagutzeko eta inguruak dituen natura- eta paisaia-balioen berri izateko.

Bisita gidatuen eskaintza zabala

Geoparkeak, bisitariaren harridurarako, hamar jarduera gidatu baino gehiago ditu, kostaldean zein barnealdean. Bisitak, ingurune natural hau nola sortu zen ulertzen lagunduko dizuten adituen eskutik. Aukeratu, besteak beste: zazpi hondartzetako itsas ibilbidea, olagarroa Flyschean arrantzatzea, argitu euskararen enigma edo ibili Geoparkearen bihotzean barrena.

Kultura, usadioa eta gastronomia

Zumaia, Deba eta Mutriku; xarma, tradizio errotuak eta oso gastronomia ona dituzten hiru herri, ondare arkitektoniko eta etnografiko aberatsa dutenak. Osatu Geoparkerako bisita hiru herri horiek ezagutuz.