Ebro ibaiaren ertzean duen kokapen estrategikoari esker, Mendabia lur emankorra da eta kalitatezko produktu ugari ditu. Estellerrian dago eta gune mugakidea da, historian zehar izandako laido ugariren eta Foru Komunitatetik igaro diren herri eta kultura guztiak pasa izanaren lekuko. Balio historiko handia eta elezahar ugari dituen tokia.
Gozatu txango oso batez Nafarroako herri honetan, gastronomiarik onena, historia oparoa, ibiltzeko moduko ingurune naturala eta hainbat jai eta ekitaldi eskaintzen dizkizu. Bertako herritarrek pozez hartuko zaituzte.
Herrialde osoan jatorri-deitura gehien eta kalitate handien duen udalerria
11 guztira. Bere lur emankorrek eta 3.000tik gora ureztalur-hektareak kalitate paregabea ematen diete bere produktuei. Mendavia helmuga aproposa da turismo gastronomikoa egin nahi dutenentzat. Ardo, cava eta patxaran bikainak, kalitatezko haragiak (txahala edo arkumea, kasurako), pikillo piperrak, zainzuriak eta baratzeko beste barazki eta produktu batzuei esker (kardua, orburua, borraja, baratxuria edo tipula), hainbat plater tipiko dastatu ahal izanen dituzu urte osoan zehar herrian.
Mendabiako aberastasun gastronomiko eta kultural guztia ezagutu nahi baduzu, ez galdu uztailean antolatzen den eta publiko guztientzako jarduerak eta lantegiak dituen “11 izendapenen eta kalitatearen azoka”.
Turismo aktiboa
Oturuntza on baten ondoren, paseo bat egitea kaltetarako ez, eta hori ere egin dezakezu Mendabian. Sartu Salado erreka-zuloan, igo Alto del Cuerno gaineraino, egin mendi-ibiliak Ebroko bidetik edo Sotillo bidezidorretik, eta, batez ere, gozatu kontrastez betetako paisaiaz.
Mendabia monumentala
Herri hau ondo jatea baino askoz gehiago da, historiaz betetako herria da. Herriari buruzko lehen zantzuak Burdin Arokoak dira, eta mugakide izateak Nafarroan finkatutako zibilizazio guztien igarobide bihurtu du.
Bisitatu El Castillar edo El Cogote Hueco aztarnategiak, bere herrigune historikoko jauregiak eta armarridun etxeak, edo eraikin erlijiosoak; San Joan Bataiatzailearen Eliza, Legardako Ama Birjinaren baseliza edo antzinako Granja de Imaz monasterioa.
Jaiak eta folklorea
Herriak makina bat ekitaldi ospatzen ditu urtean zehar. Motozaleen kontzentrazioak, erromeriak eta herriko jaiak, besteak beste. Zatoz Mendabiara eta gozatu folkloreaz abuztu bukaeran ospatzen den aste nagusian, San Joango gazteriaren jaiaz, San Isidroz eta San Anton egunez egiten diren suez, besteak beste.
FAQ
- Logroñotik, Iruñetik edo Gasteiztik kilometro gutxira.
- Udalerrian bertan ostatu hartzeko aukera.
- Ostalaritza-eskaintza, otordua egiteko edo pintxoak jateko
