Bestelako egun bat igaro nahi baduzu, WowPark da zure aukera;familientzako edo edozein adineko taldeentzako plan ezin hobea. Zuhaitzetako etxolez, txirristez eta tirolinez eta bestelako abenturez gozatu ahal izanen duzu, baina 18 hektareatik gorako parke botanikoan ere erlaxatu eta ikasi ahal izanen duzu.
Parkearen mapa
Urruñan dago, eta euskal kostaldeko aisialdi- eta abentura-parkerik handiena da. Lorategi botaniko batean txertatuta dagoen jolas-parke erraldoi bat da; bertan, landareak lurrera eta dagoen landaretzara egokituta daude. WowParken garapen jasangarriaren aldeko apustua egiten dute, eta hasieratik izan dute ingurumenarekiko konpromiso sendoa.
Adin guztietarako
Jarduera guztiak 2 eta 102 urte bitarteko pertsonek gozatu ahal izateko pentsatuta daude. Taldeek eta familiek berriro elkarrekin bizitzeko aukera izan dezaten pentsatuta dagoen parkea da.
25 jarduera sarbide mugagabearekin
Txabolak zuhaitzetan, txirrista bertikalak, 60 metroko luzera duten sareen gaineko zeharbideak, tirolinak edo hamster-gurpilak dira parke honek eskaintzen dituen aukeretako batzuk. Nahi adina denbora pasa dezakezu atrakzio bakoitzaz gozatuz. Gainera, beste jarduera batzuk ere erreserbatu ahal izanen dituzu; besteak beste, Archery Tag, arku-tiroaren eta paintballaren arteko nahasketa bat.
Gozatu ehun urtetik gorako basoaz
Dibertitzeaz gain, 18 hektareako landarediaz goza dezakezu, pinuz eta haritzez, hainbat lorategiz eta urmaelez osatua. Mundu osoko zuhaitzei eta landareei buruz ikasteko aukera emanen dizun ibilbide botaniko pedagogikoa.
FAQ
- Doako aparkalekua
- Snacka eta Piknik-eremua
- Aniztasun funtzionala duten pertsonentzako sarbidea
- Haurtxoentzako aulkitxoetarako sarbidea
- Natura-ingurunea
- Naturarekiko errespetua
