Zatoz bederatzi mila izar baino gehiago ikusteko aukera emanen dizun espazioan barna bidaia bat egitera, aurkitu izarrarte berriak, ihes egin espazioaren eta denboraren legeetatik, eta dena leku berean. Bizi zientzia-egun bat familian Iruñeko Planetarioan
Iruñekoa planetarioa astronomiari, zientziari eta beste dibulgazio-jarduera askori zabalik dagoen lekua da, 1993an jendeari irekia. Unibertsoaren misterioetan bete-betean sartuko zaituen kultura-zentroa da, eta motibazioz beteko ditu txikienak izarren inguruko guztia ezagutzeko.
Erabilera anitzeko espazioa
Planetarioak hainbat areto ditu zenbait jardueratarako. Bere hall-a erakusketetarako eta ekitaldiak indartzeko eremu gisa erabil daiteke. Liburutegia, diziplina anitzeko gela teknologikoa eta auditorium bat ere baditu; azken horrek kongresu eta hitzaldietarako eserlekuak ditu. Baina toki honetako harribitxia Tornamira aretoa da, 20 metroko diametroa duen kupula bat, erdian izar-proiektore bat duena, gauean zeruak duen itxura zehatz-mehatz erreproduzitzen duena.
Fulldome proiekzioak
Tornamira aretoak kupula osoan filmak proiektatzeko aukera ematen du; horrela, efektu murgiltzaile paregabea lortzen du, filmaren eszena bakoitzean kokatzen zaituena. Batzuetan, zeruaren zuzeneko azalpenarekin uztartzen da filma. Batez ere “Planetec” emanaldietan; horietan, astronomiari buruzko azken albisteen berri emango dizute. Kontsulta ezazu agenda ikusgai dauden filmen berri izateko.
Zientzia-lantegiak eta -kanpamentuak
Iruñeko planetarioak zientzia-lantegiak eta -kanpamentuak antolatzen ditu, ikaskuntza ludikoa lortu nahi duten 3 eta 14 urte bitarteko umeentzat. Horietan, astronomiari eta zientziari buruzko kontzeptuak lantzen dira modu atsegin batean, baina baita humanitateei edo arteari buruzkoak ere.
Pertsonalizatu zure ekitaldia
Iruñeko Planetarioak ekitaldi bat zure neurrira pertsonalizatzeko aukera ematen dizu. Merkataritza-arloko aurkezpenak, urtebetetzeak, antzerkia edo zinema… haurrentzat nahiz helduentzat. Makina bat aukera original eta harrigarri izarren azpian. Kontatu zure asmoa, ez besterik, eta haiek errealitate bihurtuko dute. Harri harremanetan 948262628 telefono-zenbakira deituta edo comercial@pamplonetario.org helbide elektronikora mezua bidalita.
FAQ
- Jende guztiarentzako saioak.
- Planetarioa Iruñeko Yamaguchi parkean dago, txikienei jolasteko aukera ematen dien lorategi eremu zabal batean.
- Eskola+jarduerak ditu: izarren eskola edo STEM programa, besteak beste, zientzia, teknologia, ingeniaritza eta matematika bultzatzeko programa.
- “Pirinioak La Nuit” proiektuaren parte da, gaueko ingurunearen kalitatea babestu eta hobetzeko.
- Ospa ezazu zure urtebetetzea Planetarioan film, lantegi eta eskulan pertsonalizatu batekin. Prezioa: 15 € haur bakoitzeko.
There are no comments yet.