REYNO GOURMET

Ezagutu Nafarroaren zaporea

Nafarroaz hitz egitea produktuez, gastronomiaz eta benetako zaporeez hitz egitea da. Definizio hori lortzen da egunero beren lurraren alde lan egiten duten nekazariei esker, lortzen baitute Reyno Gourmet zigilupean identifikatzen diren kalitate bereziko produktuak merkaturatzea. Marka horrek produktuen kalitatea, benetakotasuna, naturaltasuna, jasangarritasuna, jatorria eta elaborazioa bermatzen ditu, komunitatearen landa-garapena eta tokiko garapena bultzatuz horrela.

Kalitateko figurak

Reyno Gourmet berme-markak kalitate-ziurtagiria duten nekazaritzako elikagaiak eta haien berezko ezaugarriengatik Foru Erkidegoan bereizgarriak izan daitezkeen beste batzuk identifikatzen eta babesten ditu.

113 enpresak ekoitzitako 2.650 salmenta-erreferentzia baino gehiago biltzen ditu bere baitan. Zazpi jatorri-deitura babestu; horien artean, besteak beste, Nafarroako Olioa, Pikillo Piperrak eta Idiazabal eta Erronkari Gaztak. Sei Adierazpen Geografiko Babestu; besteak beste, Tuterako Orburua, zainzuriak, patxarana, Nafarroako arkumea edo txahala, eta beste kalitate-ziurtagiri batzuk (ekoizpen ekologikoa, artisau-elikagaiak, ekoizpen integratua eta Nafarroako txistorra).

Produktu bikainek plater paregabeak egiten dituzte

Zure txanda da! Hartu lekukoa nekazariei eta ekoizleei eta ekin lanari zure sukaldean. Reyno Gourmetek errezetarik tradizionalenetatik hasi eta lanketa abangoardistenetara probatzeko aukera eskaintzen dizu. Bildotsa txilindron erara, kokotxak borrajarekin edo zainzuriak pipermin-ozpinarekin… Reyno Gourmetek zure eskura jartzen duen doako errezeta-liburuan aurki ditzakezun errezetak dira, beste askoren artean. Eta ez ahaztu… Uztar itzazu plater goxo horiek bertako ardo edo kabaren batekin!